Gimandoan ni Presidente Ferdinand Marcos Jr. ang mga sakop law enforcement agencies nga sikopon si kanhi Ako Bicol Partylist Rep. Zaldy Co ug uban pang 17 ka mga personahe gikan sa SPWH ug Sunwest Corporation, kini human ang Ombudsman nag-isyu og warrant of arrest batok sa nahisgutang mga indibidwal.
Sumala sa Presidente, ang Office of the Ombudsman pormal nga nagsang-at og kaso batok kang Zaldy Co ug 17 pa ka mga indibidwal, ug basi kini sa ebidensya nga gisumite sa Independent Commission of Investigation (ICI) ug sa Department of Public Works and Highways (DPWH), samtang ang nahisgutang dokumento mao ang nagsilbing basehan sa pagsang-at sa kaso nga klaro ug lig-on.
Gidugang sa Presidente nga ang mga awtoridad andam na sa pagpatuman sa mga warrant of arrest, dayun ang mga akusado dakpon, dad-on sa korte, ug manubag sumala sa balaod.
Subay niini, gipasalig sa Presidente nga walay espesyal nga pagtratar ug walay bisan kinsa nga maluwas, ug nisaad nga iyang tapuson ang paglimpyo nga iyang gisugdan sa nahisgutang anomaliya.
Busa, nagpasalamat kini sa mga katawhan sa ilang pailob samtang naghulat sa resulta sa imbestigasyon kay matod niya, ang mga lakang sa gobyerno nagsiguro nga ang mga naa sa luyo sa kontrobersiya mapanubag balaod ug kini nagsugod na og bunga.
