Uradang nipagawas og pamahayag si Cebu Governor Pamela “Pam” Baricuatro kabahin na sa pagpasaka kang Byron Garcia og kaso tungod sa giingong pagsul-ob og uniporme sa kapulisan nga Special Weapons and Tactics (SWAT) nga walay pagtugot.
Busa, gitataw ni Baricuatro nga ang hulwagway nga gipunting nga nag-circulate online gibuhat sa Artificial Intelligence (AI), ug dili tinuod nga litrato niya nga nagsul-ob og bisan unsang uniporme sa pulis.
Dugang pa niya, kini usa ka gasa alang sa iyang adlawng natawhan gikan sa Cebu Provincial Police Office (CPPO), ug kini parte lamang sa demolition tactics sa iyahang political opponents, gihulagway nga usa ka nagpadayong pagsulay sa pagdaot sa iyang liderato.
Subay niini, gihimug-atan sa Gobernadora nga girespeto niya ang balaod, ug ang hustong paggamit sa insignia, ingun man hingpit siya nga mokooperar sa hustong proseso, ug magpabilin nga dedikado sa pagserbisyo sa Sugbo.
Kahindomoman nga si kanhi CPDRC official Byron F. Garcia, nisang-at og kasong administratiba sa Office of the Provincial Prosecutor sa Sugbo.
Kinsa ang maong kaso nga gipangusgan ni Garcia, kabahin sa iyang alegasyon nga si Gov. Baricuatro, nagsul-ob og SWAT uniform bisan giingong wala kini authority.
