Opisyal nga giablihan pag-usab sa San Fernando El Rey Parish sa Liloan, Cebu ang mga pultahan niini alang sa mga magtutuo niadtong Domingo sa buntag, Nobyembre 23, 2025, atol sa pagsaulog sa Solemnidad ni Kristo nga Hari.
Ang reopening ug consecration rituals gipangulohan ni Cebu Archbishop Alberto “Abet” Uy, kinsa nangulo sa selebrasyon sa Eukaristiya ug nagbendisyon sa gipahiuli nga simbahan sa parokya.
Subay niini, atol sa homiliya, si Archbishop Abet Uy nag awhag sa mga nitambong sa maong misa sa usa ka pamahayag nga maghatag og sumbanan sa pagtuo sa mga katawhan.
Ang mga parokyano, lokal nga mga deboto, ug mga lider sa komunidad nagtigom isip pagpasalamat samtang ang makasaysayanong simbahan nagpadayon sa mga serbisyo sa relihiyon human sa temporaryo nga pagsira niini pipila ka bulan ang milabay.
Ang pag-abli pag-usab nagtimaan sa usa ka hinungdanon nga higayon alang sa komunidad sa Katoliko sa Liloan, tungod kay ang parokya nahimo na usab nga sentro sa pagsimba, pamalandong, ug espirituhanong pagbag-o.
Kahinomdoman nga gimando sa Archdiocese of Cebu ang pagsira sa San Fernando El Rey Parish human nakit-ang patay nga lawas sa usa ka babaye sulod sa simbahan niadtong Oktobre 24.
Ingun man nga nipadayag usab si Archbishop Uy sa iyang dakong kasubo ug kabalaka sa insidente, nga gihulagway kini nga usa ka dakong pagpasipala nga nahimo sulod sa usa ka sagrado nga lugar.
Hinungdan nga gikondenar sa arsobispo ang kapintasan nga nahitabo sulod sa simbahan.
