Gihagit ni Presidente Ferdinand “Bongbong” Marcos Jr. ang kanhi Ako Bicol Party-list Rep. Zaldy Co nga mobalik sa Pilipinas ug atubangon ang iyang mga kaso nga may kalabotan sa korapsyon sa flood control projects, imbes nga ibutyag ang mga walay basehan nga mga pasangil samtang nagtago-tago.
Gisalikway sa Presidente ang mga pasangil batok kaniya ni Co, kinsa nag-atubang og warrant of arrest uban sa 15 pa ka tawo nga may kalabotan sa kaso sa graft ug embezzlement sa napakyas nga proyekto sa flood control sa Oriental Mindoro.
Gipasiugda sa Chief Executive nga ang iyang mga pasangil samtang nagtago-tago si Co kay walay kahulugan o walay pulos tungod kay dili siya gusto nga mopauli ug pamatud-an ang iyang mga pasangil.
Sa sayo pa, gipahibalo sa Presidente nga ang mga awtoridad anaa na sa kustodiya sa ubang mga kasabwat ni Co.
Giawhag sa Presidente ang nahibiling mga akusado nga mosurender sa mga awtoridad ug atubangon ang ilang mga kaso.
Gipasakaan usab sa Ombudsman og mga kaso sa graft ug malversation si Co ug mga opisyal sa Department of Public Works and Highways (DPWH) ug uban pang nalambigit gikan sa Sunwest Corporations base sa ebidensya nga natipon sa Independent Commission for Infrastructure (ICI) ug DPWH.
