Gibutang na sa Philippine National Police (PNP) ang ilang mga intelligence ug tracker teams sa standby samtang hugot nilang gimonitor ang mga kalamboan human ang gobyerno nagsumiter og hangyo alang sa Interpol Red Notice batok kang kanhi presidential spokesperson Harry Roque.
Gimandoan ni acting PNP chief Lt. Gen. Jose Melencio Nartatez Jr. ang mga team nga magpadayon sa komunikasyon sa Interpol’s National Central Bureau (NCB) sa Manila.
Matud niini nga ang papel sa PNP mao ang tutok nga pag-coordinate sa Interpol National Central Bureau, hilabi na nga ang ilang sakop mao ang primary enforcement arm kon gani maaprobahan ang notice.
Samtang, giangkon ni Roque nga nagkagamay ang iyang kalibutan human gikanselar ang iyang pasaporte.
Ingon man nga miingon kini nga moapelar siya sa desisyon sa korte tungod kay usa lang siya ka asylum seeker ug wala magtago-tago sa kaso.
Giinsistir usab niya nga anaa siya karon sa The Hague tungod kay dili niya biyaan si kanhi Presidente Rodrigo Duterte sa International Criminal Court.
