Giklaro ni Hyll Retuya ang TEAM Head sa Syudad sa Mandaue, kabahin na sa nigawas nga komento sa usa ka nitizen nga moabot na sa 2 ka oras ang byahe gikan sa Consolacion-Mandaue , nga kaniadtong giingong 30 minutos ra.
Busa gusto ipasabot ni Retuya nga adunay gipahigayon nga road rehabilitation, diin gisugdan kini niadtong buwan sa Agosto.
Dugang pa niya nga wala sila magkuwang kabahin na niini nga proyekto, gani gipasapasn kini apan aduna lay mga delay tungod sa mga nahitabo sama sa kalamidad.
Mao kini ang asoy ni Retuya atol sa pakighinabi sa mga sakop sa tigbalita kaniya, diin gidugang niya nga dili lang kini ang factor sa hinungdan sa bug-at nga dagan sa trapiko, apan lakip na usab ang road works sa Tayud.
Samtang, usa sa mga gipoint out ang pagpahamtang og truck atol sa rush hours, apan matod ni Retuya, kaniadto pang tuig 2017 kini nga ordinansa nga ang CIT-Cansaga road, usa ka truck corridor, diin nagpasabot nga adunay access ang mga truck sa maong luna 24/7, ug mahunong lang kini tungod sa truck ban sa Consolacion.
