Hapsay og malinawon ra ang Dagan sa lihok-protesta kon Trillion Peso March Rally sa Dakbayan sa Sugbo, nga gisalmotan sa halapad nga nagkalain-laing grupo, nagkadaiyang organisasyon, nagkadaiyang tinuohan, kaparian, ug uban kagahapong adlawa, Nobyemre 30, 2025.
Subay niini ang maong prayer rally march gisugdan og usa ka mahinungdanon nga misa nga mismo si Cebu Archbishop Alberto Uy ang nangulo sa homily nga gipahigayon sa Basilica Minore del Santo Niño de Cebu.
Atol sa iyang homiliya, iyahang gitagaan og pagtagad ang hisgutanan kabahin na sa kurapsyon sa nasud, apan gihimug-atan nga ang kurapsyon.
Gitataw niini ang kamahinungdanon ug kadakong sayup sa pagpangawkaw, dili lamang sa matang sa dakong kurapsyon, apan lakip na usab ang ginagmay nga pamaagi sa pagpangawkaw, diin iyaha kining hugot nga gidili ingun man mas pilion ang kabuot nga iya sa kahayag, ug dili ang panglihok nga iya sa kangit-ngit.
Gani, gi-highlight niini nga ang maong mensahe dili lang pagpamunting sa kawatan nga anaa sa DPWH, ug uban pang mga ahensya, apan lakip na usab alang sa tanan katawhan, kinsa nag antos sa dagkong kurapsyon, ingun man sa ginagmay nga matang sa kurapsyon.
Ang Sugboanong Pakigbisog Kontra Korapsyon (SuPaKK), usa ka martsa sa kalinaw nga nanawagan alang sa aksyon batok sa korapsyon ug pagkaguba sa kalikupan, subay kini sa sunod-sunod nga mga programa nga gipahinungod sa pagpalambo sa transparency, accountability, ug good governance, nga magtigom sa mga interfaith ug civic leaders aron moapil sa ilang mga tingog sa usa ka giambitan nga panawagan alang sa pagbag-o.
