Gianunsyo sa Kagamhanang Lalawigan sa Sugbo ang dakong kalambuan niini sa pagdalit og serbisyong panglawas sa pagdoble niini sa ihap sa mga tambalanan nga gidumala sa Kapitolyo nga aduna nay 24/7 clinical laboratory operations.
Kabahin gihapon kini reporma sa serbisyong panglawas sa kasamtangang administrasyon diin gikan sa lima kay anaa na sa 10 ka mga tambalanan sa Kapitolyo ang adunay 24/7 diagnostic services sulod lang sa lima ka buwan.
Sumala pa sa pamahayag ni Dr. Nikki Catalan, ang Capitol Health Consultant diin giila niini ang maong kalambuan sa healthcare system sa Kapitolyo.
Ang mga nadugang nga mga tambalanan kay mao ang mga district hospitals sa Bantayan, Barili, Camotes, Minglanilla, ug Oslob nga nagtimaan sa 62.5% coverage rate na sa Capitol-run hospitals.
