Giila sa United Nations Educational, Scientific and Cultural Organization (UNESCO) ang Asin Tibuok sa lalawigan sa Bohol sa listahan a Intangible Cultural Heritage in Need of Urgent Safeguarding.
Kini nga pagtanyag naghatag og talagsaong mahinungdanong panghitabo sa kabilin sa kultura Pilipino ilabi na sa mga Bol-anon.
Ang certificate nga nagkumpirmar sa inscription sa Asin Tibuok isip artisinal sea salt sa Bohol kay pormal nga gipresentar sa UNESCO sa delegasyon sa Pilipinas niadtong Disyembre 10 atol sa 20th Session sa Intergovernmental Committee for the Safeguarding of the Intangible Cultural Heritage sa makasaysayanong Red Fort Complex sa Delhi, India.
Ang delegasyon sa nasud kay gilakipan sa mga representantes gikan sa National Commission for Culture and the Arts, UNESCO National Commission of the Philippines, National Museum of the Philippines, Philippine Embassy sa France, Bohol Provincial Government, Alburquerque Municipal Government, ug Philippine Embassy sa India.
Nunot niini, ang pag-ila naghatag og bili sa pagprotektar sa magmugna sa Asin Tibuok sa mga kahanas sa mga tiggama niini aron ang maong tradisyon dili mawala sa limot.
