Nagtigom ang Economic Enterprise Council sa kagamhanan sa probinsya sa Sugbo, nga gipangulohan ni Gobernador Pamela Baricuatro, niadtong Disyembre 16 aron hisgutan ang nagpadayon nga mga paningkamot aron mahimong mapuslanon ang mga kabtangan nga gipanag-iya sa Kapitolyo aron mas masuportahan ang paghatud sa mga batakang serbisyo sa mga Sugboanon.
Atol sa diskusyon, si Investments and Promotions Officer Paolo Uy, mipresentar og mga update sa performance sa pipila ka mga economic enterprises nga gipanag-iya sa Kapitolyo, lakip na ang Larsian property, Sugbo Sentro sa Cebu IT Park, ug ang Cebu South Bus Terminal, ingon man ang status sa mga letter of intent para sa gisugyot nga public-private partnerships nga naglambigit sa mga lote nga gipanag-iya sa Kapitolyo.
Gihimug-atan ni Baricuatro nga samtang ang Cebu padayon nga giila nga pinakadato nga probinsya sa nasud nga adunay total assets nga nagkantidad og P339 bilyon sa 2024, nga molabaw sa tanang 81 ka probinsya base sa Annual Financial Report sa Commission on Audit kining mga assets kinahanglan nga mabati og mahikap sa katawhan ang mga benepisyo alang kanila.
Dugang pa niini nga ang pagpalambo og pagpahimulos sa mga assets sa Kapitolyo mahinungdanon aron masiguro ang padayon nga pondo para sa dekalidad nga serbisyo publiko para sa mga Sugboanon.
