Hingpit nang natuldokan ang tuig 2025, ug gihimamat na usab ang bag-ong tuig 2026, subay niini, si Cebu Archbishop Alberto “Abet” Uy nag-awhag sa katawhan nga karong tuiga, dili kini sugdan nga puno sa kahadlok ug kabalaka, apan mas maayo nga sugdan kini nga puno sa paglaom ug pagsalig sa labawng makagagahom.
Dili ikalimod nga kining bag-ong tuiga posibleng magbitbit og mga hagit, apan, angay nga hinomdoman nga walay mag inusara nga mosugakod niini tungod kay anaa ang Dios, ang manluluwas.
Busa, gi awhag sa Arsobispo ang matag usa, matag Cebuano, nga puy-an ang kinabuhi sa pinakasimple nga paagi, pagpuyo nga walay kahakog, ug pillion ang sakto taliwala sa mga walay kasiguradohan.
Gawas niana, nag awhag usab sa walay pagpasagad sa matag pamilya nga gilangkoban sa matag usa, magpaminaway sa usag-usa, pagsinabtanay sa usag-usa, ug tinabangay sa usag-usa.
Sa pikas bahin, sa iyahang homily usab sa Cebu Metropolitan Cathedral, nga sa matag adlaw nga pagmata, , sa wala pa ang cellphone, sa dili pa motan-aw sa social media, mohilom ta, mag-ampo, ug mangayo sa Diyosnong panalangin.
