Ihap sa mga firecracker injuries, posible pang madugangan — DOH

Nagpadayon pa sa pag-verify sa mga report ang Department of Health (DOH) sa dugang 300 ka mga nasamdan gikan sa mga pabuto.

Sumala sa tigpamaba sa DOH nga si Albert Domingo, ang tanang ospital nagpabilin nga naa sa code white hangtod sa Enero 5.

Dugang niini nga dugang 300 ka mga nasamdan ang gilauman, nga karon gi-validate sa epidemiology bureau.

Namatikdan usab niya nga ang pagtaas sa numero tungod sa ulahing pagreport.

Padayon siyang nanawagan sa publiko nga ipa-examine ang ilang mga samad sa mga health worker o mga propesyonal, bisan kung kini gagmay ra.