-- ADVERTISEMENT --
CEBU CITY- Padayon pa nga giila sa mga awtoridad ang identidad sa usa ka wala mailhing tawo nga nakit-ang patay sa usa ka suba duol sa Barangay Pahina San Nicolas, tapad sa barangay hall, niadtong Biyernes sa hapon, Enero 2, sumala sa Cebu City Disaster Risk Reduction and Management Office (CCDRRMO).
Sumala sa mga miresponde nga awtoridad, nadawat ang report mga alas 4:45 sa hapon.
Sa ilang pag-abot sa maong lugar, napalgan na ang indibidwal nga wala nay kinabuhi ug anaa na sa kahimtang sa pagkadunot.
Sa pagkakaron, padayon pang gihimo sa Scene of the Crime Operatives (SOCO) ang lawom nga imbestigasyon aron matino ang hinungdan sa kamatayon ug ang tinuod nga identidad sa namatay.
