Utang sa Pilipinas sa katapusan sa Nobyembre 2025, nisaka sa P17.6 trillion

Nisaka ang utang sa gobyerno sa Pilipinas ug nakatala kini og bag-ong rekord.

Niabot og P17.65 trilyon niadtong Nobyembre sa miaging tuig 2025.

Sumala sa Bureau of the Treasury (BTr), kini tungod sa bag-ong pagpangutang sulod sa Pilipinas ingon man sa gawas sa nasud.

Nisaka ang kinatibuk-ang utang og 0.49% o P85.84 bilyon.

Nilapas kini sa target sa gobyerno sa pagpangutang sa tibuok tuig nga P17.36 trilyon.