Nakatala ang National Capital Region Police Office (NCRPO) og 4 ka indibidwal nga namatay atol pagsaulog sa Kapistahan sa Atong Ginoong Jesukristo karong 2026, gikan sa Enero 9 hangtod Enero 10.
Lakip sa mga namatay ang 55-anyos nga photojournalist nga si Itoh Son, kinsa nga na-collapse sa Manila Police District Ermita Station duol sa Quirino Grandstand pipila ka oras sa wala pa magsugod ang Traslacion.
Gikumpirmar usab sa NCRPO ang duha pa ka namatay atol sa prosesyon, apan wala dayon naghatag og mga detalye.
Samtang, sumala sa Jose R. Reyes Memorial Medical Center, tulo sa mga pasyente nga gidala sa ospital atol sa Traslacion ang namatay.
Ingon man nga dili pa klaro kung kini nga mga kamatayon susama ba sa mga numero nga gitaho sa NCRPO ug sa tambalanan.
Kahinumduman nga ang Traslacion sa imahen sa Nazareno gikan sa Quirino Grandstand ngadto sa Simbahan sa Quiapo milungtad og 30 ka oras ug 50 ka minuto, nga mao usab ang pinakataas sa kasaysayan.
Busa, nagplano ang Simbahan sa Quiapo nga mohimo og hingpit nga pagtuon alang sa posibleng mga pagbag-o sa andas, pagdumala sa panon sa katawhan, ug ruta sa Traslacion gumikan dugay kini nga nahuman.
