Masirado ang pipila ka mga dagkong kadalanan sa Dakbayan sa Sugbo, subay sa pagsaulog sa Sinulog 2026, diin sirad-an ang kadalanan sa Osmeña Boulevard nga doul bahin sa Abellana National Highschool.
Matud ni Cebu City Transportation Head Raqueal Arce, nga masirado ang mga kadalanan nga latasan sa mga nagkadaiyang contengents og pahigayunan sa Sinulog Parade, hinungdan nga lauman ang pagkabalda sa dagan sa trapiko sa mosunod nga mga adlaw og sa mismong adlaw niini.
Sigon ni Arce, nga nasirado na usab ang Dalan Legazpi, gumikan kay didto mismo naka-standby ang sagad sa mga partisipante, og ipakatap usab ang 120 ka mga security personnel aron sa pag-organisar sa dagan sa trapiko.
Posible usab nga masirado ang kadalanan sa P. Del Rosario, General Maxilom, Manggo Avenue og Osmeña Boulevard sa mismong adlaw na sa Grand Parade diin pagasugdan gikan sa alas 4:00 kadlawn hangtod na sa alas 4:00 sa hapon.
Sa pikas bahin, mipahimangno usab si Arce nga wala nay igong parking space ang siyudad sa mismong adlaw gumikan sa kadaghan sa mga deboto, apan mitambag kini sa publiko nga mamahimong mag-park sa mga malls, aron nga dili na mahasol pagpangita sa park.
