Pagsugod palang sa 2026, ang K-Pop Demon Hunters dali nga nakahatag og marka sa industriya human ang ilang hit song nga “Golden” nakadaog sa ika-83 nga Golden Globe Awards alang sa Best Original Song – Motion Picture.
Ang kadaugan nagsunod sa ilang malampuson nga Critics Choice Awards sa miaging semana.
Si EJAE, ang singer-songwriter nga miboses ni Rumi sa salida, mihatag og emosyonal nga acceptance speech nga nagpakita sa iyang napulo ka tuig nga adventure sa industriya sa K-pop.
Matud niini nga nagsugod siya sa pagbansay isip usa ka K-pop idol sa edad nga 10, apan wala mapili nga mag-debut isip miyembro sa usa ka grupo o usa ka solo artist.
Sa kadugayan, nibalhin siya sa pagsulat og kanta — usa ka dalan nga nagdala kaniya sa kalampusan sa K-Pop Demon Hunters.
