Misaka na sa 13 ang ihap sa nangamatay tungod sa insidente sa pagdahili sa yuta ug gabuntod nga basura sa pribadong landfill facility sa Barangay Binaliw sa bukirang bahin sa dakbayan sa Sugbo kaniadtong Enero 8, 2026.
Kini ang gikumpirmar ni Cebu City Councilor Dave Tumulak, kinsa ang Chairman sa Cebu City Disaster Risk Reduction and Management Council (CCDRRMC) sa kagamhanang dakbayan atol sa pakighinabi niini sa mga sakop sa tigbalita.
Sumala pa sa pinakaulahing datos niini niadtong Martes, Enero 13 sa alas 3:50 sa hapon kay adunay kinatibukang 48 ka mga biktima ang katalagman diin 13 ang kumpirmadong patay.
Samtang 12 ang mga angol nga kasamtangang nagpatambal sa ospital, ug 23 ang nagpabiling missing.
Ang pinakaulahing naugkat sa mga rescue teams kay usa ka 33-anyos nga lalaki sa nagpadayong seach, rescue, and retrieval operations sa mga awtoridad.
