Giklaro ni Cebu City Councilor Winston Pepito, ang isyu nga mitumaw sa pag-clamp sa mga sakop sa Cebu City Transportation Office sa mga nagkadaiyang sakyanan sa mga Konsehal doul sa City Hall nga wala ra siyay problema niini.
Matud ni Pepito nga wala ra kini problema sa iyaha gumikan kay ang maong isyu naresolba na og nag-isturya na sila sa pangulo sa CCTO nga si Raquel Arce, og gipasabot nga wala ra mapahibalo ang enforcer nga on-duty hinungdan nga na clamp ra kini.
Gikahibulongan usab sa opisyal nga siya na hinouy naalaot gumikan sa mga pamahayag usab ni Mayor Nestor Archival sa social media nga dili togutan ang mga konsehal sa park sa maong dapit.
Hinungdan nga mipadayag kini sa iyang bahin og giklaro nga ang buhatan sa Bise Mayor mismo ang nagpahibalo nga adto ipahimutang ang sakyanan.
Gihimug-atan niini nga igo lang sila misunod sa kung unsay gipahibalo kanila og wala sila mosupak sa balaod, sukwahi sa nakita sa publiko.
Dugang usab niini nga wala ray problema sa iyaha ang pag-clamp gumikan kay nangayo nausab og pasaylo si Arce, apan iya lang giklaro ang tanan nga wala kini niya tuyoa.
