CEVU CITY- Namatay ang usa ka 50 anyos nga lalaki gikan sa Toledo City, kinsa usa ka boluntaryo nga niresponde sa search and rescue operation sa nahugno nga Binaliw landfill tungod sa septic shock nga gipahinabo sa impeksyon sa iyang wala nga kumagko sa tiil.
Sa pakighinabi sa Bombo Radyo Cebu kang Konsehal Dave Tumulak, ang biktima usa ka security guard nga usa sa mga nitabang sa ground zero site gikan niadtong Enero 10 hangtod na sa Enero 12.
Sumala sa anak sa biktima, pag-abot sa iyang amahan, nagmu na kini as kasakit sa iyang tiil human sa pipila ka adlaw nga pagsul-ob og botas sa Binaliw landfill.
Gidala siya sa ospital niadtong Enero 13 tungod kay gihilantan na kini ug nahibal-an nalang sa tambalanan nga ang volunteer adunay Type 2 diabetes, nga posibleng nakapa grabe sa impeksyon.
Subo nga mas migrabe pa ang sitwasyon ug niadtong Enero 16, nakabsan gayud kini sa kinabuhi ug basi sa medical findings, ang hinungdan sa kamatayon mao ang septic shock tungod sa grabe nga impeksyon sa samad.
Sa pagkakaron, naghulat na lang si Konsehal Tumulak sa opisyal nga death certificate aron ma-pinal ang mga dokumento ug mahatagan og tabang gikan sa Department of Social Welfare and Development (DSWD) ug Cebu City Government ang pamilya sa namatay.
