Gilusad sa Cebu Provincial Agriculture Office ang Food Always In The Home (FAITH) Program sa isla sa Bantayan niadtong Miyerkules, Enero 21, 2026.
Kini nga programa kay nagdalit og mga agri-fishery inputs sa mga mag-uuma ug mananagat sa mga lungsod sa isla sa Bantayan nga mao ang Bantayan, Madridejos, ug Santa Fe.
Gipahinabo ang pagpang-apod ngadto sa Bantigue Gymnasium sa pagtuman sa tinguha sa kasamtangang administrasyon sa inisyatiba sa food secuirty nga nagtumong sa pagsiguro nga adunay pagkaon nga mahukad sa matag panimalay ug paglibkas sa kagutom likop tibuok probinsya.
Ang mga benepisyaryo nakadawat og poultry products, mga lisu (seeds), patambok sa yuta (fertilizers), gamit panagat (fishing gear), ug uban pang agricultural inputs nga nagtinguha sa mapabaskog ang lokal nga produksyon sa pagkaon ug mapalig-on ang panginabuhian sa mga islang lungsod.
Adunay 1,068 ka mga manok ang gipang-apod diin 356 ang cockerels ug 712 ang pullets kauban sa 258 ka mga sets sa nagkadaiyang lisu utanon (vegetable seeds) ug 100 bags sa open-pollinated variety sa white corn seeds. Dugang pa niini kay ang foliar ferttilizers lakip ang lima ka mga kahon sa utanon nga adunay gibug-aton sa 60 kilos ug usa ka 12-kilogram box sa cacao.
Samtang sa sektor sa panagat, ang mga benepisyaryo kay nakadawat og upat ka sets sa materyales para sa marine protected areas, 60 sets sa multiple hook-and-line fisher gear ug 12 sets sa fish aggregating devices.
Ang programa sab kay nagdalit og 1,000 ka mga nagkadaiyang fruit tree seedlings aron sa pagsuporta sa malungtarong produksyon sa pagkaon.
