Ipahigayon ang trilateral talks aron tapuson ang gubat sa Ukraine ngadto sa United Arab Emirates, sumala ni Ukrainian President Volodymyr Zelensky.
Gitino niini, nga kini ang iyang gihisgutan uban ni US President Donald Trump sa Davos, Switzerland.
Dugang pa, nga ang panagtagbo ipahigayon tali sa Russia, America ug Ukraine.
Sumala ni Trump, ang US envoy nga si Steve Witkoff moadto sa Russia aron makigsulti kang Russian President Vladimir Putin.
Si Witkoff mobiyahe sa Moscow uban sa umagad ni Trump nga si Jared Kushner.
Giinsister ni Zelensky nga ang Russia kinahanglan usab nga andam nga mokompromiso, dili lang kay ang Ukraine.
Kahinumduman nga ubos sa 20-point plan sa Estados Unidos, si Zelensky mitanyag nga i-withdraw ang ilang mga tropa hangtod sa 40km gikan sa 25% sa Donetsk Region ubos sa kontrol sa Ukraine aron makahimo og economic zone sa rehiyon sa Donbas, kung buhaton usab kini sa Russia.
