Gikatakdang tukion sa House Committee on Justice ang impeachment complaint batok kang Presidente Ferdinand Marcos Jr., gikan sa Pebrero 2 hangtod Pebrero 4, 2026.
Sumala ni House Committee on Justice Chairperson Rep. Gerville “Jinky Bitrics” Luistro, ang mga impeachment complaint nga gi-refer sa komite kinahanglan nga i-consolidate, subay sa polisiya ug proseso sa House.
Dugang niini nga ang consolidation himuon atol sa unang hearing sa komite ug kini ang katungod sa Justice Committee, dili sa mga nagreklamo.
Kon gani ma-consolidate na, ang mga reklamo isipon nga usa ka kaso ug hisgutan nga magkauban.
Gipahibalo usab ni Luistro nga alang sa inisyal nga mga hearing, kini mag-focus sa pagtino sa igong porma ug substansiya sa mga reklamo.
Ingon man nga kung gikinahanglan ang dugang nga mga hearing kay ila dayon kini nga i-iskedyul sa umaabot nga mga semana.
Dugang niya nga atol sa unang hearing, ang mga sponsor sa mga impeachment complaint gilauman nga mo-file og sponsorship speeches sa dili pa magsugod ang pormal nga pagrepaso.
Gipasiugda usab ni Luistro nga ang komite adunay 60 ka session days, subay sa impeachment rules sa Kamara, aron magsumite og report, busa dili mahimong dali-dalion ang proseso.
