Nangayo og dugang privacy si American tennis star Coco Gauff alang sa mga players.
Kini human siya nakuhaan og video nga giguba ang iyang raketa.
Nahitabo ang insidente human sa iyang kapildihan batok ni Elina Svitolina sa quarterfinals sa Australian Open.
Sa nahisgutang duwa, ang 21-anyos nga si Gauff nakatala og lima ka doubles faults 26 ka unforced errors sa score nga 6-1 6-2 sa duwa nga natapos sulod sa 59 minutos.
Matud niini nga iyang gipugngan ang iyang kaugalingon sa pagguba sa iyang raketa sa korte busa nga iyang giguba kini sa iyang players’ area.
Dugang niya nga misulay siya og adto sa lugar nga walay mga camera apan nakuhaan gihapon kini.
Hinungdan nga gawas sa pagpangayo og dugang pribasiya kay iyang gipasiugda ang kamahinungdanon nga hisgutan sa mga organizers ang maong hisgutanan tungod kay ang bugtong pribadong lugar karon mao ang ilang mga locker room.
