Gikataho nga wala pa magporma o magtukod og legal team si Presidente Ferdinand Marcos Jr. aron depensahan siya sa mga reklamo sa impeachment nga gisang-at batok kaniya.
Mao kini ang gipaambit si Palace Press Officer USec. Claire Castro nga ang maong butang wala pa mahisguti.
Ang pamahayag ni Castro nagsunod sa gikatakdang miting sa House Committee on Justice diin ang duha ka reklamo sa impeachment nga gisang-at batok sa Presidente gilauman nga mahiusa.
Dugang ni Castro nga si Presidente Marcos nahibalo sa proseso sa impeachment ug mosunod sa balaod.
Gipasabot usab ni Castro nga ang bugtong pamahayag sa Presidente mao nga nahibal-an niya ang proseso ug andam siyang mosunod niini subay sa balaod.
Sa pikas bahin, gisiguro sa Kamara nga usbon niini ang mga Lagda sa Impeachment.
Kini gipahibalo ni Rep. Joel Chua, miyembro sa House Prosecution Team, human sa katapusang desisyon sa Korte Suprema nga nagdeklarar sa impeachment ni VP Sara nga dili konstitusyonal.
Sumala ni Chua, makigkita siya sa iyang mga kauban sa Kamara kung unsaon pag-usab ang mga lagda, lakip ang pagpamati sa mga input gikan sa mga nagsang-at sa impeachment complaint, nga ang uban kanila mga kasamtangang miyembro sa Kamara.
Ingon man nga mahimo usab nga adunay pagbag-o sa komposisyon sa Prosecution Team.
