Nagsang-at og mosyon aron ihunong ang proseso sa ilang mga kaso ang kampo sa negosyanteng si Charlie “Atong” Ang.
Ang tigpamaba sa Department of Justice (DOJ) nga si Polo Martinez mitaho nga ang iyang abogado kay nagsang-at niini sa San Pablo regional trial court (RTC).
Kini may kalabotan sa kaso sa kidnapping with homicide ug kidnapping with serious illegal detention nga may kalabotan sa missing sabungeros.
Tungod niini, gi-postpone sa korte ang pag-isyu sa warrant of arrest para kang Ang human sa pagsang-at sa mosyon.
Sa mga korte diin giatubang ni Ang ang mga kaso sama sa Sta.Cruz, Laguna; Lipa, Batangas ug San Pablo, Laguna City, ang Sta. Cruz RTC Branch 26 ug Lipa RTC Branch 13 lang ang nag-isyu og warrant of arrest para kang Ang.
Mipahayag si Prosecutor General Richard Fadullon nga gihangyo sa korte ang DOJ nga magsumiter og mga dokumento nga may kalabotan sa kaso lakip ang mga counter-affidavit sa mga respondents.
Gipasalig nila nga motubag sila ug motuman sa hangyo sa korte aron mahibal-an ang pag-isyu sa warrant of arrest.
Dugang ni Fadullon nga bisan unsa nga aksyon ang himuon sa korte, buhaton usab kini sa DOJ.
Gikumpirmar ni Martinez nga nagsugod na ang husay sa kaso ni Ang sa mga korte sa Lipa ug Sta. Cruz.
Gipahibalo ni Interior Secretary Jonvic Remulla nga magpahamtang sila og P10-milyones nga ganti alang sa pagkadakop ni Ang.
