Gibuksan pag-usab ang mga botohan sa Thailand niadtong Domingo alang sa usa ka hinungdanon nga eleksyon, samtang ang nasud nanlimbasug nga makabangon gikan sa sunod-sunod nga pagpalagpot ug pagkabungkag sa partido sa politika sa miaging duha ka tuig.
Ang mga nag-unang hagit alang sa sunod nga gobyerno mao ang hinay nga ekonomiya, usa ka panaglalis sa utlanan sa Cambodia, ug usa ka nagkadako nga problema sa mga transnational cyberscam network sa Southeast Asia.
Sa miaging duha ka tuig, ang Thailand nakakita og paspas nga pagbag-o sa liderato tungod sa mga desisyon sa korte ug koalisyon.
Diin ang mga nangaging lider sa Thailand: Si Srettha Thavisin (Pheu Thai Party), milingkod sa katungdanan niadtong Agosto 2023 human sa usa ka eleksyon diin gibabagan sa Senado ang midaog nga Move Forward Party.
Ingon man nga gipalagpot sa Constitutional Court niadtong Agosto 2024 tungod sa isyu sa pamatasan sa pagtudlo sa usa ka opisyal; Si Paetongtarn Shinawatra (Pheu Thai Party) mao ang kamanghuran nga anak nga lalaki sa kanhing lider nga si Thaksin Shinawatra.
Mipuli siya kang Srettha niadtong Agosto 2024 apan dali nga gipalagpot sa korte pipila lang ka semana ang milabay, samtang si Anutin Charnvirakul (Bhumjaithai Party) mao ang kasamtangang Punong Ministro nga milingkod sa katungdanan niadtong Septyembre 2024 human makakuha og suporta sa parlamento sa dihang nahugno ang nangaging mga alyansa.
Siya ang ikatulong lider sa nasud sulod sa duha ka tuig.
Ubos sa konstitusyon nga gihimo sa militar niadtong 2017, ang mga institusyon nga wala mapili, sama sa Senado ug sa Constitutional Court, nagpabilin nga gamhanan.
Sa kasamtangang eleksyon, gilauman na usab ang grabe nga negosasyon tali sa mga partido tungod kay dili pa klaro kung adunay makakuha og “outright majority” atubangan sa kontrolado nga sistema sa politika sa Thailand.
