Gibasura sa House of Representatives ang duha ka impeachment complaints batok kang Presidente Ferdinand “Bongbong” Marcos Jr. human sa dakong boto nga 284-8-4 gahapong adlawa, Martes, Pebrero 10.
Milapas ang boto sa ikatulong bahin sa gikinahanglan aron suportahan ang report sa House Committee on Justice, nga nakakaplag nga ang mga reklamo igo sa porma apan dili igo sa substansiya.
Gisuportahan sa Committee chair nga si Rep. Jinky Luistro ang rekomendasyon atol sa plenaryo, nga epektibong naglimpyo sa Presidente sa mga akusasyon nga gisang-at batok kaniya.
Samtang, gipaambit usa ni Palace Press Officer USec. Claire Castro nga nalipay ang Presidente sa pagbasura sa impeachment complaint batok kaniya.
Hilabi na nga ang 284 ka miyembro sa House of Representatives ang mituo sa kamatuoran ug nakahukom nga ibasura ang mga impeachment complaint batok kang Marcos.
Sa pagkakaron, gusto sa Presidente nga mopadayon sa pagtrabaho ug serbisyo sa katawhan busa, naka-focus kini sa pagpatuman sa mga programa sa ekonomiya nga makapataas sa kinabuhi sa matag pamilyang Pilipino.
