Opisyal nga padalhan og imbitasyon si U.S. President Donald Trump sa pagtambong sa Association of Southeast Asian (ASEAN) Summit nga ipahigayon dinhi sa Pilipinas.
Sumala ni Philippine Ambassador to the United States Babe Romualdez, una nang nipaabot si Presidente Ferdinand Marcos Jr. sa iyang personal nga imbitasyon niadtong nagkaistorya ang duha sa Oval Office sa miaging tuig.
Ingon man nga misaad si Trumo nga motambong sa importanteng panagtigom.
Apan, kinahanglan pa nga pormal nga himuon ang imbitasyon.
Nagtuo ang embahador sa Pilipinas nga kinahanglan nga husto ang timing sa summit, labi na kay gikatakda kini sa Nobyembre ning tuiga diin ang midterm elections ipahigayon usab sa US.
Sumala ni Romualdez, dili lang ang Pilipinas ang modapit kang Trump tungod kay ang tanang miyembro sa ASEAN Business Council abli usab sa pagdapit sa presidente sa US sa pagtambong sa mga high-level meetings niini nga gilauman nga ipahigayon sa Pilipinas.
Hinuon, nagpabilin gihapon ang US nga nagsuporta sa ASEAN, diin ang Pilipinas nagsilbi nga chairman karong tuiga.
