Nabaligya ni social media star Logan Paul ang iyang ultra-rare Pokemon trading card sa kantidad nga 16.5 milyones dolyares.
Tuig 2021 sa dihang napalit sa YouTuber ang Pikachu Illustrator card ug pinaka-talagsaon nga Pokemon card sa kantidad nga 5.3-Milyones dolyares.
Sumala sa Golding Auction, napalit ni AJ Scaramucci nga anak ni kanhi White House communications director Anthony Scaramucci. Gibutyag niini nga plano pa kaniadto niya nga mangulekta sa mga wala nakulekta.
Dili makatoo si Paul nga miabot sa maong kantidad ang iyang card. Anaa usab si Guinness World Records adjudicator Sarah Casson para ihatag ang award isip pinakamahal nga trading card nga nabaligya sa usa ka auction.
Giapil na usab ni Paul ang iyang diamond nga kuwintas diin gisab-it niya ang card. Ang nasangpit nga diamond necklace iyang gisoot sa unang pag-apil niya sa WWE WrestleMania 38 niadtong 2022.
