Gikabutyag ni Sonny Africa, ang Executive Derictor sa Ibon Foudation, nga adunay dakong importansya ang proseso sa impeachment complaint gumikan dinhi masuta ang mga nangalisbo nga mga problema sa nasud, hinungdan nga iyang gihimog-atan nga angay nga ikonsiderang pork barrel king sa nasud mao si Presidente Ferdinand Marcos Jr, gumikan kay matod ni Africa, ang presidente mao ang adunay dakong gahom sa pagkontrol sa panudlanan sa nasud.
Ang maong pamahayag ni Africa subay sa pagpanokidoki sa ilahang foundation nga giingong aduna any nihulip sa pwesto ni Janet Lim-Napoles kabahin sa hisgutanan sa Pork Barrel sa nasud.
Atol sa eksklusibong pakighinabi sa Bombo Radyo Cebu newsteam kang Africa iyang gihimug-atan nga bisan paman nahuman na ang desisyon sa Korte Suprema kabahin sa isyu ni Napoles kaniadto, angay gihapon nga mahamtang ni Marcos ang maong hisgutanan gumikan kay siya man ang nagkupot sa dakong pundo sa panudlanan sa nasud.
Subay niini, iya usab nga gikabutyag nga usa sa mga dakong pork barrel nga gikuptan sa kasamtangang presidente mao ang gatosan ka milyones nga pundo sa infrastructure programs lakip na niini ang flood control projects niadtong tuig 2023-2025.
Gidugang niya nga ubay ubay na ang ilang nalista sa pork barrel nga gikalambigitan sa presidente, gumikan kay gilista nila kini dili lang ang kabahin sa infrastructure programs, apan lakip na usab ang mga unprogrammed appropriations niini.
Ingun man iya usab nga gitataw ang pinakapersonal nga pork barrel sa presidente mao ang kapin sa 18 bilyones pesos nga confidential intelligence funds, hinungdan nga alang kanila, walay duda nga king of pork barrel si Presidente Ferdinand Marcos Jr.
