-- ADVERTISEMENT --
Gipaambit ni US President Donald Trump nga mamahimo na nga sugdan sa U.S. Navy ang pag-eskort sa mga oil tanker agi sa Strait of Hormuz kon gikinahanglan.
Sa samang higayon, iyang gimandoan ang U.S. International Development Finance Corporation (DFC) sa paghatag og political risk insurance ug financial guarantees alang sa maritime trade sa Gulf.
Kini usa sa pinakakusog nga lakang sa iyang administrasyon aron mapugngan ang pagsaka sa presyo sa lana samtang nagkagrabe ang tensyon sa Middle East, nga nakaapekto sa mga kargamento sa lana.
Ang lakang kabahin usab sa tumong ni Trump nga ipadayon ang ubos nga presyo sa gasolina sa Estados Unidos, gamit ang kombinasyon sa financial ug military tools.
