Gikataho ni U.S. Defense Secretary Pete Hegseth niadtong Biyernes, Marso 13 nga posibleng samdan ug disfigured pa ang bag-ong Iranian Supreme Leader nga si Mojtaba Khamenei.
Kini human sumala pa ni Hegseth sa ilang pagduda sa abilidad ni Khamenei sa pagdumala sa ilang gobyerno human sa duha ka semanang pagpangatake sa US ug Israel sa Iran.
Matod pa nga walay mga hulagway ni Khamenei ang gipagawas sukad sa Israeli strike niadtong Pebrero 28 diin mipatay sa ilang pamilya ilabi na sa anhing Supreme Leader Ayatollah Ali Khamenei.
Gani ang unang pamahayag niini kay gibasa lang sa presenter sa telebisyon sa ilang state media niadtong Huwebes nga namulong nga ipabilig sirado ang Strait of Hormuz og nag-awhag sa mga silingang nasud nga isirado ang mga base military nga gi-okupar sa Estados Unidos aron dili tageton nila.
Kahinumduman nga mitaho ang pipila ka mga opisyal sa Iran nga adunay minor injuries si Khamenei apan naka-operate gihapon kini sa mga tahas isip leader sa nasud.
