Gikonsiderang ‘insulto’ sa pipila ka mga drayber sa pampublikong transportasyon ang bag-ong usbaw karon nga plitihan nga 1 pesos lamang, matod pa ni Greg Perez, ang Chairman sa Pagkakaisa ng mga Samahan ng Tsuper at Operator NationWide (PISTON) Cebu.
Gidugang ni Perez nga ang maong 1 pesos nga umento angayan lang kung ang presyo sa mga produktong lana, anaa lang galihok sa 30-40 pesos matag litro.
Mao kini ang nahimong panahayag ni Perez atol sa eksklusibong pakighinabi sa Bombo Radyo Cebu newsteam kaniya, ug iyang gidugang nga sa kasamtangang panahon nga padayong saka sa mga produktong lana, dili kini madawat sa transport sector ang gamayng usbaw sa plitihan.
Subay niini, ang PISTON Cebu lakip sa mosalmot ugmang adlawa sa transport strike. Diin pagasugdan kini sa sayong bahin sa buntag.
Ang maong aktibidad ugmang adlawa nagsubay karon sa panawagan sa kadaghanan nga angayon unta, gumikan kay matod pa ni Perez, walay wala gaping-it karon nga drayber nunot sa nagkataas nga presyo sa mga produktong lana.
