Mobalik ang nation’s girl group nga BINI sa dakbayan sa Sugbo.
Kini ang gipahibalo sa BINI sa social media nga magpahigayon sila og anniversary concert sa Cebu sa Hulyo 11, 2026. Diin gitawag kini nga “BINI Signals: Anniversary Celebration” nga ang concert ipahigayon sa usa sa mga mall diri sa Cebu.
Ang Cebu mao ang ikaduhang bahin sa ilang anniversary tour, diin ang una mao ang Manila.
Dili na mapugngan sa mga Cebuano Blooms ang ilang kahinam, ug ang uban nagpaambit na sa ilang mga plano nga motambong sa concert.
Katapusang nagpahigayon og concert ang BINI sa Sugbo niadtong 2024 isip kabahin sa ilang “BINIverse: Regional Tour,” nga nagdani sa sold-out crowd sa Blooms sa siyudad.
Sa dili pa kini nga mga selebrasyon sa anibersaryo, ang BINI magdala sa ilang musika ngadto sa tibuok kalibutan nga entablado sa dihang sila mopasundayag sa Coachella Valley Music and Arts Festival sa Abril.
Ingon man nga andam na silang mohimo og kasaysayan isip labing unang Filipino act nga mipasundayag sa entablado sa festival.
