Tensyon sa Middle East, mahimong mosangpot sa pinakagrabe nga energy crisis sulod sa mga dekada – IEA chief

Nagpasidaan si International Energy Agency chief Fatih Birol nga ang kasamtangang tensyon sa Middle East mahimong mosangpot sa pinakagrabe nga krisis sa enerhiya.

Kini kung ang kagubot dili mohunong dayon.

Gihulagway ni Birol ang kasamtangang krisis sa lana isip usa ka grabe nga sitwasyon diin hangtod sa 11 milyon nga bariles sa lana kada adlaw ang narehistro nga nawala tungod sa gubat.

Diin labaw pa sa duha ka sunod-sunod nga krisis sa lana nga nasinati sa tibuok kalibutan niadtong 1970s diin anaa lang sa lima ka milyon nga bariles sa lana ang nawala kada adlaw.

Ang gubat tali sa US, Israel, ug Iran unang nagsugod niadtong Pebrero 28, 2026 sa dihang gilunsad sa US ang Operation Epic Fury, usa ka hiniusa nga kampanya militar sa US-Israel.