Pinaagi sa pagpaningkamot sa Department of Finance (DOF) ug Bureau of Customs (BOC), nagbunga kini sa malampusong proseso ug nakapagawas og kapin sa 14,000 ka balikbayan boxes sa Sugbo, nga adunay 400 ka kahon nga nahabilin nga giapod-apod gahapong adlawa, Marso 24, 2025.
Kabahin kini sa usa ka inisyatibo nga gipangulohan sa gobyerno aron masiguro nga ang mga regalo ug remittance sa mga overseas Filipino workers (OFW’s) makaabot sa ilang mga pamilya nga luwas.
Samtang si Presidente Ferdinand “Bongbong” Marcos Jr. naghatag og suporta, ug ang Department of Finance (DOF), nga gipangulohan ni Secretary Frederick Go, ug ang Bureau of Customs, ubos ni Commissioner Arnel Nepomuceno, nag-coordinate sa mga paningkamot og pondo aron mabayran ang mga gastohanan nga may kalabotan sa logistik ug kargamento.
Kini nagtumong aron mabayran ang mga gasto ug mapadali ang pagpagawas sa mga balikbayan box, labi na ang pagsulbad sa mga gasto nga may kalabotan sa logistik ug kargamento.
Ang inisyatibo naglakip usab sa mga paningkamot nga wagtangon o pakunhuran ang mga bayad sa pantalan pinaagi sa koordinasyon sa Port of Manila, Port of Cebu, ug Port of Davao, nga makatabang sa pagpagaan sa dugang nga gasto alang sa mga nakadawat.
Samtang sa eksklusibong pakighinabi sa Bombo Radyo Cebu kang Robert De Rosas, iyang gipaambit nga malipayon siya tungod kay iya nang nadawat ang balikbayan box nga gipada sa iyang asawa nga OFW sa Jeddah City, Saudi Arabia.
Matid pa, nadugay og abot ang ilang Balikbayan Box tungod Kay gi-ingong na-ilad sila sa Makati Express, Ang forwarder nga gipadad-an sa iyang asawa ug maoy gibayran para ma0-deliver ang Balikbayan box.
