Gipasalig sa Bangko Sentral ng Pilipinas (BSP) nga ang pag-ubos sa bili sa peso batok sa dolyar sa US dili hingpit nga makadaot sa ekonomiya sa nasud, tungod kay giingon nga kini makatabang sa daghang mga importanteng sektor.
Sumala ni BSP Governor Eli Remolona Jr., ang kasamtangang kahimtang sa kuwarta, nga milapas na sa P60, pabor sa ‘current account deficit’ ug sa sektor sa eksportasyon ng Pilipinas.
Kahinumduman nga ang labing ubos nga P60.30 kada dolyar natala niadtong Marso 23, tulo ka semana human ang Estados Unidos direktang nalambigit sa usa ka panagbangi.
Sa pagkakaron, ang exchange rate nagpabilin nga mga P60.23 tungod sa taas nga panginahanglan sa dolyar ug pagsaka sa presyo sa lana sa merkado sa kalibutan.
Ang paghuyang sa peso nagdugang sa gasto sa mga import sama sa petrolyo, pagkaon, ug suplay sa kuryente.
Giklaro ni Gobernador Eli Remolona, nga ang ahensya kasagaran manghilabot lamang sa foreign exchange market kung adunay excessive volatility o grabe nga pag-usab-usab sa merkado.
Apan iyang gipasalig nga ang central bank andam nga mohimo og aksyon kung ang padayon nga pag-ubos sa peso mahimong dili mayo o disorderly.
