MANDAUE CITY,CEBU- Hugot gihapon nga gidili sa dakbayan sa Mandaue ang paglatas sa mga dagkong kadalanan ilabi na sa nasudnong highway ang mga e-Bikes tungod sa risgo niino sa mga aksidente.
Kini ang gipamahayag ni Traffic Enforcement Agency of Mandaue (TEAM) Head Hyll Retuya sa pakighinabi niini sa Bombo Radyo Cebu News Team human adunay mga impormasyon sa social media nga adunay pipila ka mga lugar sa ubang bahin sa nasud ang temporaryong nagtugot sa pagdagan sa mga e-Bikes sa mga dagkong dalan agi og pagkonserbar sa konsumo sa produktong lana karong panahona.
Gani kagahapon sa Miyerkules Santo, Abril 1 kay aduna silay reklamong nadawat sa mga e-Bikes nga nangagi sa mga dagkong dalan sa syudad nga dali nilang gisita diin adunay upat ka mga units ang naimpound tungod sa paglapas sa lagda sa trapiko.
Sa higayong ma-impound ang unit sa usa ka e-Bike operator kay gikinahanglan pa kining mubayad sa tukamng multa usa malukat ang gimanehong sakayan.
Sagad sa mga lugar sa syudad nga daghang ang namasahero nga mga e-Bikes kay sa Barangay Looc nga duol sa usa ka tanyag nga unibersidad diin nakasikop sila sa mga nakalapas.
Pamulong sa opisyal nga sa ilahang buhatan kay ilaha gihapon gipatigbabaw ang kaluwasan sa matag motorista, commuter, ug pedestrian sa kadalanan sa dakbayan sa Mandaue.
