Mikusog ang bagyo sa sidlakang bahin sa Pilipinas ug nakaabot na sa kategorya nga typhoon.
Ang bagyo nga adunay internasyonal nga ngalan nga “Sinlaku” (kaniadto LPA04a) nagpabilin sa gawas sa Philippine Area of Responsibility (PAR) ug wala pa’y direktang epekto sa Pilipinas.
Sa pagkakaron, kini anaa sulod sa Tropical Cyclone Monitoring Domain (TCID) ug padayon nga gimonitor sa mga eksperto sa panahon.
Base sa internasyonal nga mga weather tracker, ang Sinlaku adunay kinatas-ang kusog sa hangin nga 140 km/h duol sa sentro ug gustiness nga mosaka hangtod 220 km/h, samtang hinay nga naglihok paingon sa amihanan-amihanan-sidlakan.
Ang sentro sa bagyo gibanabana nga naa sa 930 kilometros habagatan-sidlakan sa Guam.
Nagsugod ang Sinlaku isip Low Pressure Area niadtong Abril 9, miuswag ngadto sa tropical depression, tropical storm, ug sa katapusan nahimo’g typhoon karung adlawa Abril 11.
Ang pagkusog sa Sinlaku kabahin sa 2026 Western Pacific typhoon season, nga gilauman nga magpabilin nga aktibo tungod sa paborableng kondisyon sa dagat ug atmosphere.
