Gitubag ni General Romeo Brawner Jr. ang mga pangutana sa social media may kalabot sa kamatayon sa usa ka estudyante sa University of the Philippines-Diliman nga si Alyssa Alano diin nalakip sa 19 ka mga nakalas nga giingong sakop sa New People’s Army nga naka-engkwentro sa mga sakop sa 79th Infantry “Masaligan” Battalion sa Brgy. Salamanca, Lungsod sa Toboso, Negros Occidental niadtong Abril 19.
Gidasun ni Brawner nga base sa mga pamahayag sa mga sundawo ilang nakita si Alano nga lakip sa nakigpinusilay atol sa maong engkwentro ug giingong nagasul-ob pa kini ug combat rig sa dihang nakit-ang wala nay kinabuhi.
Gihimug-atan niini nga ang mga sakop sa kasundalohan dili human rights violators, gane girespeto nila kini apan kung makigbatok na ang usa ka indibidwal sa mga sakop armadong kusog, posible gayud nga makalas sa engkwentro.
Gibarugan ni Brawner ang nahimong aksyon sa mga sakop sa kasundalohan atol sa engkwentro sa Toboso, ug abli siya sa mamahimong imbestigasyon sa Commission on Human Rights may kalabot sa insidente
Kahinumdoman nga nasakmit sa mga kasundalohan ang 24 ka mga high-powered firearms, nga gitouhang maoy gigamit sa 19 ka mga giingung miyembro sa NPA.
