Usa ka lider sa estudyante sa University of the Philippines Diliman University Student Council ang nalakip sa 19 nga namatay sa insidente sa Toboso, Negros Occidental, matod sa konseho sa usa ka pahayag niadtong Miyerkules.
Ang biktima giila nga si Alyssa Alano, Education and Research Councilor sa UP Diliman USC, kinsa giingong namatay sa insidente nga nahitabo niadtong Abril 19 sa Barangay Salamanca.
Sumala sa USC, ang insidente nahitabo human sa giingong “indiscriminate shooting” sa 79th Infantry Battalion sa Armed Forces of the Philippines (AFP), nga miresulta usab sa pagbakwit sa gibana-bana nga 168 ka pamilya ug 653 ka indibidwal.
Sa ilang pahayag, gitawag sa student council si Alyssa nga usa ka “innocent civilian” ug gikondenar ang iyang kamatayon, nga ilang gilambigit sa giingong militarisasyon sa lugar.
Basi s pamahayag sa UP Student Council, ”Tumitindi ang pandarahas, pandadakip, at pagpatay ng mga magsasakang Negrense.”
Samtang, ang Philippine Army kaniadto nag-ingon nga adunay nahitabong engkwentro tali sa 79th Infantry Battalion ug sa mga gidudahang miyembro sa New People’s Army sa samang lugar.
Sumala sa report sa militar, 19 ka giingong miyembro sa NPA ang namatay ug usa ka sundalo ang nasamdan apan anaa sa maayong kondisyon.
Ang UP Office of the Student Regent nagpahayag sa ilang pahasubo sa kamatayon ni Alano, kinsa ilang gihulagway nga usa ka estudyante ug lider sa estudyante sa UP Diliman.
Hangtod karon, wala pa’y gipagawas nga pahayag ang AFP aron klaruhon ang nagkasumpaki nga mga report bahin sa insidente.
Abli usab ang Bombo Radyo sa bahin sa AFP.
