Patay ang labing menos 14 ka tawo, samtang 37 ang nasamdan, human sa bag-ong mga airstrike sa Israel sa Lebanon, sumala sa health ministry.
Lakip sa mga namatay ang duha ka bata ug duha ka babaye. Usa usab ka sundalong Israeli ang gitaho nga namatay sa laing insidente.
Gipahimangnoan sa militar sa Israel ang mga residente nga mobakwit sa daghang mga lungsod, ug ug miinsistir nga ang operasyon nagtumong sa mga manggugubat ug armas sa Hezbollah tungod sa giingong paglapas sa ceasefire.
Sa pikas bahin, miingon ang Hezbollah nga magpadayon ang ilang mga pag-atake basta magpadayon usab ang Israel sa ilang mga operasyon sa ilang teritoryo.
Bisan pa sa ceasefire nga gipangulohan sa Estados Unidos, nagpabilin nga huyang ang sitwasyon tungod sa padayon nga pagbayloay og opensiba sa duha ka habig.
Sumala sa mga taho, kapin sa 2,500 ka tawo na ang namatay sukad nagsugod ang panagbangi niadtong Marso, lakip ang mga sibilyan, kababayen-an, ug mga batan-on.
