Gipahibalo ni Presidente Ferdinand Marcos Jr. ang pagpalapad sa mga benepisyo sa maternity benefits ng PhilHealth epektibo karong adlawa Abril 30, nga nagtumong sa pagpalambo sa mga serbisyo sa panglawas alang sa mga inahan ug mga bata.
Ubos sa bag-ong benepisyo, ang coverage sa normal nga pagpanganak gipataas ngadto sa P29,000 gikan sa kaniadto nga gibana-bana nga P9,750. Ug alang sa cesarean section, ang coverage karon gikan sa P58,000 ngadto sa P62,000, gikan sa kaniadto nga P37,000.
Gipasiugda ni Marcos ang kamahinungdanon nga lakang aron masiguro nga ang matag inahan makapanganak nga luwas nga dili mabalaka bahin sa gasto.
Miingon siya nga ang kakulang sa kwarta dili angay nga mahimong babag sa kaluwasan sa inahan ug bata.
Ang programa nagtumong sa pagpakunhod sa risgo sa pagpanganak ug pagpakunhod sa gasto sa mga serbisyo sa panglawas para sa matag pamilyang Pilipino.
