Gidakop sa National Bureau of Investigation (NBI) ang kanhing peryodista ug television host nga si Jay Sonza, gabii, Abril 30, sulod sa iyang balay sa Quezon City tungod sa kasong cyberlibel.
Gikumpirmar ni NBI Director Melvin Matibag ang pag-aresto, nga nag-ingon nga ang operasyon gihimo lang sa dihang nadakpan si Sonza.
Sumala ni Matibag, ang Pasay City Regional Trial Court nag-isyu og warrant of arrest niadtong Huwebes, nga nagsilbing basehanan sa pag-aresto sa kanhing broadcaster.
Sa pagkakaron, anaa na sa kustodiya sa NBI si Sonza.
Samtang, ang abogado ni Sonza, si Atty. Mark Tolentino, mipahibalo dayon nga modangop sa opisina sa NBI aron masiguro nga mapanalipdan ang mga katungod sa iyang kliyente, hilabi na nga usa ka kini senior citizen.
Nasayran nga ang kaso naggikan sa reklamo nga gisang-at sa NBI niadtong Pebrero batok kang Sonza ug vlogger nga si Jeffrey Luces Celiz, mas nailhan nga “Ka Eric Celiz,” tungod sa giingong pagpakatap sa peke nga mga medical records ni Presidente Ferdinand Marcos Jr.
