Gibasura sa Regional Trial Court Branch 16 ang hangyo nga pahunongon ang pag-redevelop sa Carbon Public Market, nga nagtugot sa pagpadayon sa joint venture agreement (JVA) tali sa Kagamhanan sa Dakbayan sa Sugbo ug Megawide Construction Corp.
Sa usa ka resolusyon nga gipetsahan niadtong Abril 23, 2026, ang Regional Trial Court Branch 16 Presiding Judge Dante Corminal mihukom nga ang mga nagdemanda napakyas sa pagtuman sa mga legal nga rekisetos alang sa pag-isyu sa temporary restraining order (TRO) ug writ of preliminary injunction.
Gipasaka ang kaso sa grupo sa mga vendor sa Carbohanong Alyansa Alang sa Reporma ug Bahandianong Ogma sa mga Nanginabuhi (Carbon), nga nagtinguha nga ibasura ang JVA ug ipahunong ang proyekto nga naglangkob sa mga pito ngadto sa walo ka ektarya sa Barangay Ermita, lakip ang mga bahin sa Carbon Market, Freedom Park, ug mga kasikbit nga lugar sa daplin sa tubig.
Sa pakighinabi kang Winefredo Miro, pangulo sa Carbohanong Alyansa, nga nabalaka sila posibleng mahitabo sa kaso gumikan posibleng mapahawa ang mga residente sa Sitio Bato, kung ugaling makadaog ang pikas Partido.
Apan, ang korte mihukom nga ang mga petitioner napakyas sa pagpamatuod sa legal nga katungod, aktuwal nga kalapasan, nga nag-ingon nga ang proyekto gipatuman sa hinay-hinay nga paagi nga adunay mga lakang sa pagpabalhin.
Sigon sa desisyon, nga ang giingong mga kadaot, sama sa temporaryo nga pagkabalda sa negosyo, mabayran ug dili basehan alang sa injunctive relief.
Gipasiugda usab sa korte nga ang validty sa JVA masulbad sa primerong kaso, nga gikatakda alang sa usa ka pre-trial sa Hunyo 24, 2026.
