Human nahimong “unanimous” ang desisyon sa Ubos balay-balauranan maylabut sa pagsusi sa “probable cause” sa impeachment complaints batok kang Vice President Sara Duterte, niadtong Abril 29, 2026.
Gipahigayon karong adlawa Lunes, Mayo 4, 2026 sa House of Representatives, ang pag-aprobar sa Committee Report sa Commiittee on Justice batok sa pagpalagput sa Bise-Presidente.
Matud ni Akbayan Rep. Perci Cendaña, nga kinahanglan botaran na sa mga miyembro sa House Committee on justice ang nahisgutang Committe Report gumikan kay aron makapreparar na ang senado sa pagporma isip “senate impeachment court.”
Sigon niini nga wala siya mabalaka sa iyang mga kaubanan sa mga baruganan niini gumikan kay sayud siya nga gibantayan sa publiko ang mismong mga pagdungog diin klaro ug tataw ang mga ebidensiya nga giyagyag batok ni Duterte.
Gihimug-atan niini nga kinahanglan paspasan ang proseso sa pag-aprobar sa mga draft committte reports ug pagpirma sa plenaryo gumikan kay nagkanipis ang ilang mga adlaw sa dili pa ang session break nga matapos sa unang semana sa buwan sa Hunyo.
Dugang ni Cendaña, nga kompiyansya siya sa iyang mga kaubanan sa ubos balay-balauranan nga mo barug sa ilang konsiyensiya sa pagbotar niini taliwala sa mga hulga sa politika og sayup nga mga impormasyon gumikan sa kalig-on sa mga ebidensya sa mga reklamo batok VP Duterte.
Mensahi usab niini sa publiko nga mahinungdanon nga hatagan og pagtagad sa mga Pilipino ang mga ebidensya nga gihikay og dili magpadala sa mga giingung black propaganda sa mga Duterte.
