Nagbinayloay og mainit nga mga pamahayag sa plenaryo sa Kamara ang duha ka neophyte lawmakers gikan sa Batangas nga sila si Rep. Leandro Leviste ug Rep. Ryan Recto.
Maisugon nga nanawagan si Leviste alang sa imbestigasyon sa giingong koneksyon ni Executive Secretary Ralph Recto kang Construction Workers Solidarity Rep. Edwin Gardiola kinsa nalambigit sa kontrobersyal nga “flood control scandal.”
Apan, diha-diha dayong mitubag si Rep. Ryan Recto, diin kusganon kini nga nanalipod sa iyang amahan batok sa mga pasangil.
Dugang niyang gikuwestiyon ang motibo ug basehanan ni Leviste sa maong isyu.
Ingon man nga iyang gihimakak ang mga akusasyon ug giinsistir nga ang relasyon tali sa Executive Secretary ug ni Gardiola “puro propesyonal.”
Ang panagsangka nakapahinabog grabeng tensyon sulod sa plenaryo ug nagtimaan sa mas lawom nga panagsangka tali sa bag-ong henerasyon sa mga magbabalaod gikan sa Batangas.
