Gitudlo sa International Criminal Court (ICC) ang bag-ong legal counsel ni kanhi Presidente Rodrigo Duterte.
Kini mao si Peter Haynes, usa ka British barrister ug eksperto sa international criminal defense.
Nagserbisyo siya kaniadto isip presidente sa ICC Bar Association nga adunay kapin 30 ka tuig nga kasinatian.
Nagsilbi usab siya isip abogado ni Joseph Kony, usa ka Ugandan militant ug warlord nga nagtukod sa Lord’s Resistance Army.
Kahinumduman nga si Nicholas Kaufman mi-withdraw sa iyang posisyon isip lead counsel ni Duterte.
Samtang, nisang-at usab si Veronica ‘Kitty’ Duterte og ikaduhang ‘Urgent Motion to Resolve’ sa Korte Suprema aron masulbad ang nag-ung-ong nga ‘habeas corpus petitions’ sa iyang amahan.
Usa sa ilang mga hangyo mao nga ang Korte Suprema momando sa mga respondents o sa gobyerno nga mohimo og bisan unsang aksyon aron mabalik ang kanhi presidente sa Pilipinas.
