Girekomenda sa Field Investigation Bureau sa Ombudsman ang pagpasaka og mga kasong plunder ug indirect bribery batok kang Sen. Rodante Marcoleta human giingong nakadawat siya og P75 milyon nga mga donasyon sa kampanya sa miaging tuig.
Basi sa usa ka complaint-affidavit nga gipirmahan niadtong Mayo 18, gusto sa mga imbestigador nga ikiha si Marcoleta og plunder uban sa kanhi Quezon City 2nd District Rep. Mike Defensor ug duha pa ka indibidwal nga nagdonar sa senador.
Ang rekomendasyon kabahin sa mas lapad nga imbestigasyon sa Ombudsman sa paggamit sa mga pundo sa kampanya ug posibleng mga paglapas sa balaod batok sa korapsyon.
Hangtod karon, wala pa’y pahayag gikan sa kampo ni Marcoleta bahin sa reklamo, ingun man ang ubang mga indibidwal nga nahisgutan wala pa’y gihimo nga mga pahayag sa publiko.
Subay niini, ang kasong plunder usa sa labing seryoso nga mga kaso sa kriminal ubos sa balaod, nga adunay katugbang nga silot nga pagkabilanggo sa tibuok kinabuhi kung mapamatud-an nga sad-an.
Wala usab’y piyansa nga gitakda alang sa temporaryo nga kagawasan.
Samtang ang bribery nagtumong sa ilegal nga pagdawat og mga pabor o kwarta baylo sa impluwensya o gahum.
